बागलुङ, २०७४ साउन ४ । आदर्श सञ्चार सहकारी संस्था बागलुङले आफ्ना शेयर सदस्यको निधनमा निधनमा श्रद्धाञ्जली सभाको आयोजना गरी मृत्यु राहत रकम परिवारलाई हस्तान्तरण गरेको छ ।
काठेखोला गाउँपालिका वडा नं. ७ रेश दशमुरे निवासी संस्थाका शेयर सदस्य तथा शेयर सदस्य क्षेत्रबहादुर कार्कीका पिता लालबहादुर कार्कीको निधनप्रति दुख व्यक्त गर्दै संस्थाले श्रद्धाञ्जली सभा सम्पन्न गरेको हो ।
संस्थाले १३ औं पूण्य तिथि पारेर दिवंगत आत्माको चिर शान्तिको कामना गर्दै श्रद्धाञ्जली सभा एवम् राहत रकम हस्तान्तरण गरेको हो ।
हरेक दिन एक जना शेयर सदस्यबाट एक रुपैँया संकलन गरी बनाएको राहत कोषबाट संस्थाले विपत तथा दुःख पर्दा शेयर सदस्यका परिवारलाई सहयोग गर्दै आइरहेको संस्थाका उपाध्यक्ष अञ्जु जिसीले जानकारी दिईन् ।
संस्थाका शेयर सदस्यको निधनमा १५ हजार र शेयर सदस्यका परिवारका सदस्यको निधन हुँदा ५ हजार राहत प्रदान गर्ने संस्थाको नीति अनुसार शेयर सदस्य लालबहादुर कार्कीको १५ हजार र उहाँका छोराको तर्फबाट ५ हजार गरी २० हहजार रुपैया राहत हस्तान्तरण गरिएको थियो ।
संस्थाका उपाध्यक्ष अञ्जु जिसी र पूर्व उपाध्यक्ष ओमबहादुर थापाले स्वर्गीय लालबहादुर कार्कीका छोराहरु खोकेन्द्रबहादुर कार्की, डिलबहादुर कार्की, क्षेत्रबहादुर कार्की, रोशन कार्कीलाई संयुक्त रुपमा उक्त राहत रकम हस्तान्तरण गरेका थिए ।
संस्थाका तर्फबाट श्रद्धाञ्जली मन्तव्य व्यक्त गर्दै उपाध्यक्ष अञ्जु जिसीले स्वर्गीय लालबहादुरले समाज विकासमा गरेको योगदान र उहाँले देखेको सपना पुरा गर्न परिवार र समाजले सोही अनुसारको काम गर्नु पर्नेमा जोड दिएकी थिईन ।
श्रद्धाञ्जली कार्यक्रमको सञ्चालन आदर्श सञ्चार सहकारी संस्थाका सम्पादक रामबहादुर जिसीले गरेका थिए ।
गत असार २२ गते काठेखोला गाउँपालिका वडा नं. ७ रेश जिरेदीमा जीप दुर्घटनामा परी लालबहादुर कार्की र ८ वर्षे बालक दिपक कार्कीको निधन भएको थियो । दुर्घटनामा परी ८ जना घाइते भएका थिए ।
