विमल खड्का, बुर्तिबाङ २०७४ साउन ८ । नेकपा माओवादी केन्द्र जिल्ला सम्मेलन आयोजक समिति बागलुङ र प्रेस सेन्टर नेपाल बागलुङ शाखाको संयुक्त आयोजनामा आज ढोरपाटन नगरपालिका १ बुर्तिबाङमा स्व अमृता अर्यालको स्मृतिमा श्रद्धान्जली सभा सम्पन्न भएको छ ।
नेकपा माओवादी केन्द्र महाधिवेशन आयोजक समिति सदस्य तुल्सीराम अर्याल केन्द्रिय महाधिवेशन आयोजक समिति सदस्य तथा ढोरपाटन नगर कमिटि पार्टी अध्यक्ष चन्द्रलाल अर्यालकी ममतामयी माता स्वर्गिय अमृता अर्यालको निधन भएको आज नवौ दिनको पुण्य तिथीमा श्रदान्जली सभा गरिएको हो । स्वर्गीय अर्यालको यही असार ३१ गतेका दिन ९० वर्षको उमेरमा दुखद निधन भएको थियो ।
सो अवसरमा दिवंगत आत्माको चिरशान्तिको कामना गर्दै शोक सन्तप्त परिवार प्रती हार्दिक समवेदना प्रकट गरिएको थियो ।
सो श्रद्धान्जलि सभामा नेकपा माओवादी केन्द्र बागलुङ जिल्ला संयोजक चन्द्र बहादु बुढा सागर, केन्द्रिय माधिवेशन आयोजक समिति सदस्य राजिव घिमिरे, चन्द्र वहादुर थापा शिखर, राज थापा जिल्ला सचिवालय सदस्य जित वहादुर थापा प्रेस सेन्टर गल्कोट शाखा अध्यक्ष थम्मन थापा, प्रेस सेन्टर बुर्तिबाङ शाखाका सचिव विमल खड्का, ने.रा.उ.व्या. बावु डियर हमाल लगाएतले अर्यालको निधन प्रति दुख व्यक्त गरेका थिए ।
