बागलुङ २०७४ साउन ११ । राजधानी काठमाडौँमा सम्पन्न राष्ट्रिय गोजुरियो कराँते (Goju-Ryu Karate) च्याम्पियनशीप प्रतियोगितामा सनराईज बोर्डिङ स्कूल, डोजो गोजरियो कराते बागलुङका खेलाडीहरु स्वर्ण, रजत र कास्यगरी १४ पदक ल्याएर तृतीय स्थान प्राप्त गरेका छन् ।
गोजुरियो करातेकी केन्द्रिय सदस्य एवं बागलुङकी जिल्ला अध्यक्ष पुष्पा क्षेत्रीका अनुसार प्रतियोगितामा चिरायु रिजाल, अन्जली रुचाल, अर्जुन खत्री र विशाल 
खड्काले स्वर्ण पदक प्राप्त गरेका छन् भने रजत पदक प्राप्त गर्नेहरुमा अलिशा थान, शीतल रुचाल, प्रीती थापा र अर्जुन खत्री छन् । त्यसैगरी कास्य पदक प्राप्त गर्ने ६ जना खेलाडीहरुमा रविना बुढा, दीपा रोका, अलिशा, पवन, अर्जुन र सुषमा रहेका छन् ।
प्रशिक्षिका समेत रहेकी क्षत्रीले गोजुरियो कराते (Goju-Ryu Karate) खेलप्रति सनराईज बोर्डिङ स्कूलमा अध्ययनरत विद्यार्थीहरुको आकर्षण बढी रहेको बताउदै आगामी प्रतियोगिहरुमा सर्वाधिक पदक ल्याएर प्रथम स्थान हासिल गर्ने उद्देश्य रहेको बताईन
।
