बागलुङ २०७४ पुस २२ । बागलुङ महोत्सवको मुख्य आकर्षकको रुपमा रहेको खुल्ला पुरुष भलिबल प्रतियोगिताको उपाधी छन्त्याल कन्ट्रक्सनले पाएको छ ।
१२ समूहको सहभागिता रहेको भलिबल प्रतियोगितामा पश्चिमाञ्चल भलिबल संघलाई सोझो ३ सेटले पछि पार्दै छन्त्याल कन्ट्रक्सन प्रथम भएको हो । पश्चिमाञ्चल भलिबल संघले व्दितिय स्थान प्राप्त गरेकोछ ।
त्यस्तै २३ नम्बर बाहिनी अड्डाले तृतीय स्थान हासिल गरेकोछ । भलिबलमा विजेता भएको छन्त्याल कन्ट्रक्सनले नगद रु १ लाख १ हजार १ सय ११, उप–विजेता पश्चिमाञ्चल भलिबल संघले नगद रु ५५ हजार ५ सय ५५ र तृतिय हुने २३ नम्बर बाहिनीले ३० हजार ५ सय ५५ प्राप्त गरेका छन ।
