म्याग्दी २०७४ फागुन २० । जिल्ला ट्राफिक प्रहरी कार्यालय म्याग्दीको तथ्याकं अनुृसार बिगत तिन आर्थिक वर्षमा सवारी दुर्घटनामा परी ४१ जनाको मत्यु भएको छ ।
आथिर्क बर्ष ०७१/७२ मा भएको १९ ओटा सवारी दुर्घटनामा २० जनाको ज्यान गएको थियो जसमा १७ पुरुष ३ महला परेका थिए । दुर्घटनामा ३५ जना घाईते भएका थिए । यसैगरी आर्थिक बर्ष ०७२/०७३ मा भएका ८ ओटा सवारी दुर्घटनाबाट ३ पुरुष, ४ महिला, ३ बालक र १ बालिका सहित ११ जनाको मृत्यु भएको थियो भने ५३ जना घाइते भएका थिए ।
आर्थिक बर्ष २०७३/०७४ मा भएका ११ सवारी दुर्घटनामा ५ पुरुष १ महिलाले ज्यान गएको छ । दुर्घटनामा ५२ जना घाईते भएका थिए ।
चालु आर्थिक बर्षमा भएको चार सवारी दुर्घटनामा हालसम्म ५ जनाको मृत्यु भएको छ भने २८ जना घाईते भएको जनाईएको छ ।
