कोपिला कंडेल, बागलुङ २०७४ चैत २१ । बागलुङ नगरपालिका वडा नम्बर २ मा करेन्ट लागेर हिजो साझ एक बालकको मृत्यु भएको छ ।
काठेखोला गाउँपालिका वडा नम्बर ४ तंग्राम घर भई हाल बागलुङ नगरपालिका वडा नम्बर २ जिपपार्क नजिकै झुलेनी होटल संचालन गर्दै आएका पहलमान थापाका ११ बर्षिय छोरा प्रज्वल थापाको करेन्ट लागेर मृत्यु भएको हो ।
घरको झ्यालमा करेन्ट लागि घाइते भएका थापाको लागि धौलागिरि अन्चल अस्पताल बागलुङमा उपचारका क्रममा मृत्यु भएको जिल्ला प्रहरी कार्यालय बागलुङले जनाएको छ । करेन्ट कसरी के कारणले लाग्यो भन्ने बारे थप अनुसन्धान भई रहेको प्रहरीको भनाई छ ।
स्मरणीय छ केहि दिन पहिले जैमिनी नगरपालिका सर्कुवामा विद्युत पोल फेर्ने क्रममा करेन्ट लागेर</a> बिनामारेका एक युवकको मृत्यु भएको थियो भने ५ जना गम्भीर घाईते बनेका थिए ।
तस्वीर सौजन्य, अर्जुन ढकाल, बागलुङ ।
