दिनेश शर्मा, बडीगाड २०७५ मंसिर ३ । आज विहान बडीगाड गाउपालिका-५ साविक ग्लालिचौर गाविस-२ जोगी बगर, बडीगाड खोलाको किनारमा फेला परेको बेबारिसे शव गुल्मी जिल्ला मालिका गाउपालिका ५ छाप साबिक छापहिले गाविस १ बस्ने ८५ वर्षिया श्रीकला जीसीको रुपमा सनाखत भएको छ ,
मृतक जीसी बडीगाड महोत्सव हेर्ने र वामीटक्सारमा रहेको छोरालाई भेट्ने भएर घरबाट निस्किएको बताईएको छ । दिसापिसावको लागी खोलाको किनारमा गएकी वृद्धको ढुंगामा चिप्लिएर खोलामा खसी मृत्यु भएकोे प्रहरी निरिक्षक ओम प्रकाश यादवले जानकारी दिए ।
उनको शव पोष्टमार्टम पछि परिवारले वुझि लिएको प्रहरी निरिक्षक यादवले जानकारी दिए । मृतक जिसाका छोरा डीबी जिसी मुसिकोट नगरपालिकामा स्वास्थ्य इचार्जको रुपमा कार्यरत छन् ।
