कोपिला कंडेल, बागलुङ २०७५ माघ ३ । नेपाल रेडक्रस सोसाईटी काठेखोला गाउंपालिका ६ को पाचौ अधिवेशन सम्पन्न भएको छ । अधिवेशनले श्री प्रसाद न्यौपानेको अध्यक्षतामा नयां कार्य समिति सर्वसम्मत चयन गरेको छ । समितिका सदस्यहरुमा शिव लाल कंडेल थानेश्वर कंडेल ज्ञान कुमारी श्रीस शर्मा कोपिला कंडेल बालकृष्ण कंडेल,सुवाश कंडेल कमल प्रसाद न्यौपाने महेन्द्र प्रसाद कंडेल र गोबिन्द प्रसाद कंडेल रहेका छन् । अव केहीदिन पछि बस्ने पहिलो बैठकले पदाधिकारी र जिल्ला प्रतिनिधीको टुङ्गो लगाउने निर्णय भएको नयां कार्य समितिले जनाएको छ ।
अधिवेशनको उद्घाटन गर्दै नेपाल रेडक्रस सोसाईटी बागलुङ शाखाका सभापति जब्बर बहादुर लामिछानेले रेडक्रस जस्तो पबित्र संस्थालाई मर्यादित बनाउनका लागि सबै जिम्मेवार बन्नुपर्ने बताए ।
कार्यक्रममा काठेखोला गाउंपालिका वडा नम्वर ६ का अध्यक्ष युक्त कंडेल नेपाल रेडक्रस सोसाईटी बागलुङका सदस्य एबं निर्वाचन अधिकृत बिकास पौडेल सोसाईटीका आजीवन सदस्य शिवलाल कंडेल ज्ञानु श्रीस शर्मा र पत्रकार महासघं बागलुङ शाखाका सल्लाहकार कोपिला कंडेल लगायतले शुभकामना मन्तब्य ब्यक्त गरेका थिए ।
सो अवसरमा रेडक्रसमा रहेर समाजसेवामा महत्वपुर्ण भुमिका निर्वाह गरेको भन्दै नेपाल रेडक्रस सोसाईटी बागलुङ शाखाका सभापति जब्बर बहादुर लामिछाने र काठेखोला गाउंपालिका साबिकको बिहुका पुर्ब सभापति दीननाथ शर्मालाई सम्मान पत्र सहित संस्थाले सम्मान समेत गरेको थियो ।
कार्यक्रममा संस्थाका सचिव थानेश्वर कंडेलले प्रगति प्रतिबेदन र कोषाध्यक्ष रामराजा कंडेलले आर्थिक प्रतिबेदन प्रस्तुत गरेका थिए ।
कार्यक्रम नेपाल रेडक्रस सोसाईटी काठेखोला गाउंपालिका ६ का सभापति भवानी प्रसाद कंडेलको अध्यक्षता संस्थाका सहसचिव यामनाथ कंडेलको स्वागत मन्तब्य र सचिव थानेश्वर कंडेलको संचालनमा सम्पन्न भएको थियो ।
