गल्कोट २०७५ माघ १३ । काठखोला गाउपालिका बिहुँ घोँडाबाँधे स्थित भ्यूटावरमा हिँजो साँझ भएको ग्याङ फाईटमा एक जना गम्भीर र अन्य २ जना सामान्य घाईते भएको ईलाका प्रहरी कार्यालय हरिचौरका प्रहरी निरीक्षक केशव थापाले बताएका छन् । घटनामा गम्भीर घाईते गल्कोट नगरपालिका- ३ हटियाका २४ वर्षिय विष्णु साहानीलाई पिठ्यूँ र खुट्टामा गम्भीर चोट लागेकोले ईमरजेन्सी पोलिक्लिनिक हटियामा सामान्य उपचार गरी थप उपचारका लागी पोखरा रिफर गरिएको प्रहरीले जानकारी दिएको छ ।
प्रहरीले नियन्त्रणमा लिएको अभियुक्तका बारेमा जानकारी माग्दा प्रहरी निरीक्षक थापाले अनुसन्धानकै क्रममा रहेकोले नाम भन्न नमिल्ने जानकारी दिए । प्रनि थापाका अनुसार अन्य २ जना अभियुक्तहरुपनि प्रहरीको नजरमा रहेका छन् ।
भ्यूटावरमा कम्तीमा ६ जना युवाहरुबीच झडप भएको स्थानीयले बताएका छन् । झडपको कारण जानकारी हुन सकेको छैन ।
