महेन्द्र केसी, पर्वत २०७६ बैशाख ३ । मोदी गाउँपालिका ४ क्याङ हलहलेमा परेको चट्याङबाट एक महिलाको मृत्यु भएको छ । बर्षातसंगै परेको चट्याङबाट २२ बर्षिया तारादेवी पुनको मृत्यु भएको हो ।
जिल्ला प्रहरी कार्यालयका प्रहरी निरीक्षक राजन रायमाझीका अनुसार सोमबार साँझ ८ बजेको समयमा चट्याङबाट घाइते भएकी पुनको उपचारको लागि जिल्ला अस्पताल लैजादै गर्दा बाटोमा मृत्यु भएको हो ।
यसैवीच केबुल टिभीको तार टाग्ने क्रममा करेण्ट लागेर मोदी गाउँपालिकामा १ भुक सरौमा एक जनाको ज्यान गएको छ । केबुल तार विस्तार गर्ने क्रममा जिल्ला भोजपुर टम्केमैयु गाउँपालिका –५ का २१ बर्षिय डेबिट राईको मृत्यु भएको हो । माँझकिरात केबुल नेटवर्क प्रा.लि.कास्कीमा कार्यरत राईको लप्सीको बोटमा रहेको पुरानो केबुलको तार झिक्ने क्रममा करेण्ट लागेको थियो ।
