भरत सापकोटा, बागलुङ २०७६ जेठ २० । बागलुङ नगरपालिका २ जीपपार्क बाट गएराति एक मोटर साईकल चोरी भएको छ । हिँजो जेठ १९ गते राति बागलुङ बजारको अति व्यस्त जीपपार्कको कँडेल सप्लायर्स दुकान अगाडी पार्किङ गरी राखेको ध १ प ७८११ को मोटरसाईकल चोरी भएको कँडेल सप्लायर्सका प्रोपराईटर डिल प्रसाद कँडेलले बताएका छन् । कँडेलले हिँजो राति नै जिल्ला प्रहरी कार्यालय बागलुङमा मोटरसाईकल चोरी भएको रिपोर्ट गरेको ईबागलुङलाई बताए ।
यस सम्वन्धमा जिल्ला प्रहरी कार्यालय बागलुङका प्रमुख, प्रहरी उपरीक्षक कृष्णहरि शर्मासंग जिज्ञासा राख्दा मोटरसाईकल चोरी गर्नेको व्यापक खोजतलास भैरहेको जानकारी दिए ।
बागलुङ सदरमसकामबाट सवारी साधनहरु चोरी भएको घटनाहरु कम सुन्नमा आएपनि मोटरसाईकल चोरीको हिँजोको पछिल्लो घटनाले भने विशेष सतर्कता अपनाउनु पर्ने देखिन्छ ।
हिँजो चोरी भएको मोटरसाईकलको परलमुल्य रु ३ लाख भन्दा बढी भएको सप्लायर्सका प्रोपराईटर कँडेलले जानकारी दिए ।
