गुमानसिँह भण्डारी गल्कोट २०७६ जेठ २२ । गल्कोटमा प्रथम नगरप्रमुख रनिङ्ग शिल्ड खेलकुद प्रतियोगिताको तयारी पुरा भएको छ । गल्कोट नगरपालिकाले पहिलो पटक विद्यार्थीको प्रतिभा पहिचान गर्ने उदेश्यले गल्कोटमा आयोजना गरिएको खेलकुद प्रतियोगिताको आन्तरिक तयारि पुरा गरेको हो । भोलि जेठ २३ गते पहिलो दिन सञ्चालन गरिने नगरपालिका स्तरिय माद्यमिक बिद्यालय अन्तर्गतको छात्र, छात्रा भलिबलको टाईसिट सार्वजनिक गरिएको खेल संयोजक यम श्रीसले बताए ।
छात्रतर्फ नगरपालिका भित्रका २० विद्यालयले सहभागिता जनाएकोमा बिहान ७ बजेदेखि एकता माद्यमिक बिद्यालय हरिचौर र महेन्द्र माद्यमिक बिद्यालय नरेठाँटीबिच पहिलो खेल हुने श्रीसको भनाई छ ।
त्यस्तै भोलि विहान १० बजेदेखि छात्रा भलिबल खेल समेत सुरू गरिने रेफ्रि संयोजक राजन कार्किले जानकारी दिए । जसमा पहिलो खेल न्यु लाईफ आवसीय मावि हरिचौर र रत्नलक्ष्मी माबि रिघाबिच हुने कार्कीले बताए ।
भोलि नै हाईजम्प, लम्मजम्प, सटपुट लगायतका प्रतियोगिता हुने आयोजकले जनाएको छ । भोलि पहिलो दिन नगरपालिकाले नगरभित्रका सम्पुर्ण सामुदायिक तथा निजि बिद्यालयलाई विद्यालयका सम्पुर्ण बिद्यार्थीलाई मार्चपासमा उपस्थित बनाउनका लागि अनुरोध गरेको छ । सोहि अवसरमा शैक्षिक प्रदर्शनी, चित्रकला, लोकनृत्य लगायतका प्रतियोगिता हुने नगरशिक्षा अधिकारि पदमराज आचार्यले बताए । गल्कोटमा पहिलो पटक आयोजना गर्न लागिएको नगरप्रमुख विद्यालय स्तरिय रनिङ शिल्ड खेलकुद प्रतियोगिता अन्तर्गत भलिबल खेल राष्ट्रपति रनिङ शिल्ड प्रतियोगिताको आधारमा अंक प्रदान गरिने बताईएको छ । समितिले उत्कृष्ट मार्चपासलाई ट्रफिको ब्यवस्था गरेको र खेलाडी तथा प्रतियोगी यस शैक्षिक सत्रको कक्षा १० सम्म अध्ययनरत हुनुपर्ने जनाएको छ । खेलकुदका कार्यत्रम २३ गतेदेखि र शैक्षिक प्रदर्शनि, चित्रकला र लोकनृत्य प्रतियोगिता जेठ २५ गते हुने समितिले जनाएको छ ।
