सुरेश छन्त्याल, गल्कोट २०७६ असार १३ । गल्कोेट नगरपालिका १० पाण्डबखानी माध्यमिक विद्यालयमा कक्षा १०मा अध्यानरत विद्यार्थी साजन विक माथी शिक्षक काशीराम विकले एक झापड लगाएका छन् । खाजाको समयमा जंङक फुड प्रयोग गरेको भन्दै शिक्षक काँशीरामले साजन सहित केही साथीहरुको नाम टिपेको र उक्त नाम हटाउन अनुरोध गरेपनि शिक्षकले नहटाएको भन्दै विवाद भएपछि शिक्षक काँशीरामले साजन माथी एक झापड हानेको र अर्को पटक हान्न खोज्दा विद्यार्थी साथीहरुले रोकेको उनका साथीहरुले बताए।
विद्यार्थीका अनुसार शिक्षक काँशीराम वि।कले अर्को कक्षाबाट आएर साजनमाथी हातपात गरेको आरोप रहेको विद्यार्थीहरुको गुनासो छ। कक्षा ८,९ र १० का विद्यार्थीहरु यस्ता घटनाबाट सुरक्षित रहन नाम र हस्ताक्षर सहित व्यवस्थापन समितिलाइ न्याय माग्दै निवेदन समेत पेस गरेका थिए। आज व्यवस्थापन समिति, शिक्षक,अभिवाभक,सामाजिक बुद्धिजीवीहरु बसेको भेलाले दुवै पक्षका शिक्षक कासिराम र विद्यार्थी साजनले माफि माग्दै अबका दिनहरुमा शिक्षकबाट र विद्यार्थीबाट यस्तो व्यवहार नगर्ने,शिक्षक र विद्यार्थी नियमित स्कुल पोसाक सहित विद्यालयको समयमा आउने हस्ताक्षर सहित निर्णय भएको छ।
