बन्दैछ, नगरप्रमुख नेपालीकाे सहयाेगमा राम्जाली दम्पतिको लागी नयाँ घर… !

मित्रलाल खरेल, गल्कोट २०७६ साउन १६ । गल्कोट नगरपालिका ९ को एक गोठमा कष्टकर जीवन बिताउदै आएका बेसहारा बृद्ध चन्द्र बहादुर राम्जाली र सरस्वती राम्जालीकोे लागि गोठको नजिकै नयाँ घर बनिरहेको छ ।

गल्कोट नगरपालिका-७ आँगाखेत बामिया स्थित न्यू नवज्योति युवा क्लबको २१ औँ वार्षिकोत्सवका अवसरमा आयोजित नववर्ष मेलाका प्रमुख अतिथी ढोरपाटन नगरपालिकाका नगरप्रमुख देवकुमार नेपालीले ती बेसहारा बृद्ध दम्पतिको लागी घर बनाई दिने प्रतिवद्धता अनुसार यो घर बनिरहेको हो ।

सो घर निर्माण गर्न गल्कोट नगरपालिका वडा नं ९ ले घर छाउनकालागी रंगिन कर्कटपाता उपलव्ध गराएको छ भने सो घरको लागी आवश्यक पर्ने दारपात (काठ) स्थानीय सिलाम खोरिया रानी सामुदायिक वनले नि:शुल्क उपलव्ध गराएको छ ।

न्यू नवज्याति युवा क्लबको समन्वयमा बनिरहेको सो घरमा लाग्ने अन्य सबै खर्च नगरप्रमुख नेपालीले दिने क्लबले जानकारी दिएको छ ।

फेसबुकमार्फत कमेन्ट गर्नुहोस !