महेन्द्र केसी, पर्वत २०७६ भदौ १० । अख्तियार दुरुपयोग अनुसन्धान आयोगले कुस्मा नगरपालिका ७ को वडा कार्यालयमा छापा मारेको छ । वडा अध्यक्ष सुवासचन्द्र पौडेलले दश लाख हिनाबिना गरेको समाचार बाहिरिएसँगै अख्तियारले छापा मारेको हो । अख्तियारले वडा कार्यलयका सम्पूर्ण कागजातपत्र जफत गरेको छ ।
वडा अध्यक्ष शर्माले गत आवको १२ लाखको हिसाबकिताब लुकाएपछि वडासदस्यहरुले हिसाब देखाउन दबाब दिएका थिए । वडा अध्यक्षले हिसाब देखाउन नसकेको वडा सदस्य परशुराम पुरीको आरोप छ ।
वडा अध्यक्ष पौडेलले १२ लाख नभई आठ लाख भएको स्वीकार गरेका छन् । तर त्यसको हिसाबकिताब आफूसँग नभइ सचिवसँग हुने भन्दै पन्छिएका छन् । अख्तियारले तत्काल बील भरपाई पेश गर्न वडा कार्यालयलाई भनेको छ । वडा सचिवको यहि बेलामा सरुवा भएको छ ।
