मानवसेवा आश्रम बागलुङकी सन्चालिका लामा लायन्स क्लब अफ बागलुङव्दारा सम्मानित !

कोपिला कंडेल, बागलुङ २०७६ भदौ १४ । लायन्स क्लब अफ बागलुङले महिलाहरुको महान पर्व हरितालिका तीजका अवसरमा फेलोसिप प्रदान तथा नारी सम्मान कार्यक्रम सम्पन्न गरेको छ । लायन्स क्लब अफ बागलुङले मानवसेवा आश्रम बागलुङका सन्चालिका सुमिरा लामालाई सम्मान पत्र सहित दोसल्ला ओढाएर सम्मान गरेको हो । लामालाई समाजसेवी पोट कुमारी जिसीले प्रशंसा पत्र सहित दोसल्ला ओढाएर सम्मानित गरेकी हुन् ।

कार्यक्रममा बोल्दै समाजसेवी जिसीले चाडपर्वका नाममा हुने बिभिन्न खाले खर्च कटाएर मानवीय सेवामा सहयोग गर्नु उत्तम कार्य भएको बताईन् । उनले सेवा भाव र सकरात्मक सोँचले घर परिवार र समाजमा शान्ति कायम हुने चर्चा गर्दै उनले तीज पर्वलाई सदभाव र एकताको पर्वको रुपमा मनाउनुपर्नेमा जोड दिईन् ।

सो अवसरमा लायन्स क्लब बागलुङ सिटीका संस्थापक अध्यक्ष पार्वती अधिकारी क्षेत्री, रिजन चियर पर्सन बसन्त कुमार श्रेष्ठ नेपाल महिला सघं बागलुङका अध्यक्ष शकुन्तला शर्मा मोदर च्याप्टर लायन्स क्लब धौलागिरीका अध्यक्ष राजन शाक्य लायन्स क्लब अफ पिस टाउन बागलुङका अध्यक्ष मिना जिसी कंडेल र डिष्ट्रीक पढाई अभियानका चण्डी प्रसाद शर्मा लगायतले शुभकामना मन्तब्य ब्यक्त गरेका थिए ।

कार्यक्रममा राष्ट्रिय झण्डाको अभिबादन पुष्पा केसी र लायन नम्रता बास्तोलाले धन्यबाद मन्तब्य ब्यक्त गरेकी थिईन ।
कार्यक्रम लायन्स क्लब अफ बागलुङका अध्यक्ष दीपा जिसीको अध्यक्षता लायन धना सुनारको स्वागत मन्तब्य र लायन्स क्लब अफ बागलुङ सिटीका सदस्य अम्बिका बस्नेतको संचालनमा सम्पन्न भएको थियो ।

फेसबुकमार्फत कमेन्ट गर्नुहोस !