बागलुङको श्रीनगरटोलबाट ७२ हजार रुपयाँ सहित पाँच जिल्लाका पाँच जना जुवाडे पक्राउ !

बागलुङ २०७६ भदौ १५ । धेरै समयको अन्तरालमा आज प्रहरीले जुवाको खालबाट पाँचजना जुवाडेहरुलाई नियन्त्रणमा लिएको छ ।

जुवा तासको नामै सुन्न छोडिएको बागलुङ सदरमुकाममा जिल्ला प्रहरी कार्यालय बागलुङबाट खटिएको टोलीले आज दिउँसो १ बजेको समयमा बागलुङ नगरपालिका २ श्रीनगरटोल स्थित सूरज बोगटीको घरको भुँईतला भाडामा लिई बस्ने झापा बिर्तामोड नगरपालिका वडा नं २ का वर्ष ४५ का हरि प्रसाद खतिवडाले जुवातास खेली खेलाई रहेको अवस्थामा प्रहरीले पक्राउ गरेको थियो ।

पक्राउ पर्नेमा निज खतिवडा सहित कैलाली जिल्ला घोँडाघोँडी नगरपालिका वडा ननं १० घरमै हाल श्रीनगर टोल डेरागरी बस्ने वर्ष २४ को डवल भुल, सिन्धुली कमलामाई नगरपालिका वडा न ४ हाल बानपा वडानं ४ बस्ने वर्ष २६ को विकास राई, जिल्ला पाँचथर तुम्भिया गाउपालिका ९ बुधवारेका श्रीनगरटोलमै डेरागरी वस्ने वर्ष ३९ को विष्णु राई र म्याग्दी जिल्ला बेनी नगरपालिका १ हाल बानपा २ रुद्रेपिपल डेरागरी बस्ने मित्रलाल जैसी रहेका छन् ।

बागलुङ सदरमुकाम र यसको आसपासमा निकै लामो समय (वर्षौ) पछी आज पाँचजना जुवाडेहरु प्रहरीले पक्राउ गरी जिल्ला प्रशासन कार्यालय बागलुङबाट म्याद थप गरी अनुसन्धान सुरु गरेको समाचारले जुवा प्रेमीहरुलाई तगडा झड्का लागेको नगरवासीले बताएका छन् ।

फेसबुकमार्फत कमेन्ट गर्नुहोस !