रनिश रानामगर, बागलुङ २०७६ भदौ १८ । जनसेवा युवा क्लब पालाले आयोजना गरेको तीज उत्सब २०७६ मंगलबार विविध कार्यक्रमका साथ सम्पन्न भएको छ। तीज उत्सबको हिजो अन्तिम दिन कार्यक्रमको प्रमुख आकर्षणको केन्द्रविन्दु रहेको खुल्ला पुरुष भलिवल प्रतियोगितामा १५ टिमको सहभागिता मध्य तेजस किराना पसल प्रथम, देउपुर पर्वत दितिय भएका छन्। बिजयी समुहले सगै नगद ४० हजार र २५ हजार राशि जितेका छन।
त्यस्तै हिजै एकल नृत्य प्रतियोगिता पनि सम्पन्न भएको छ जसमा १५ जनाको सहभागीतामा डाइनमिक डान्स स्कुलका दिनेश थापा, चिल्ड्रेन लाइफ इङलिस वोडिङका सुरुची पराजुली दितिय र तारा किसान तृतिय भएका थिए। बिजेता सहभागीले क्रमशः ५, ३ र २ हजार नगद सहित प्रमाण पत्र हात पारेका छन।
कार्यक्रमलाई सागीतिक मनोरन्जन दिन राष्ट्रिय स्तरका कलाकारहरु राजेश बर्देवा सिता श्रेष्ठ र नेपालका उदाउदा मोडल डान्सर सबिता राना मगरहरुले दर्शकहरु सगै झरीमा पनि गाएर र नाचेर साथ दिएका थिए।
समापन समारोहका प्रमुख अतिथि काठेखोला गापा वडा नम्बर १ का वडा अध्यक्ष खडक थापाले पुरस्कार बितरण गरेका थिए । समापन समारोहका अध्यक्षता क्लवका अध्यक्ष मनिराज रोकाले गरेका कार्यक्रमको सन्चालन दिल राना र धन्यवाद कार्यक्रम संयोजक रन बहादुर थापाले दिएका थिए ।
