बागलुङ, २०७६ भदौ २२ । आदर्श सञ्चार सहकारी संस्था लिमिटेड बागलुङको १३ औं साधारण सभा शनिवार सम्पन्न भएको छ । सहकारीको साधारण सभामा बोल्दै काठेखोला गाउँपालिकाका अध्यक्ष अमर थापाले सहकारी मार्फत चलेका सञ्चार माध्यामको भविश्य उज्वल रहेको बाउदै आगमिदिनमा थप परिमार्जनका साथ अगाडि बढ्न सुझाव दिए ।
पछिल्लो समय नेपालमा खलेका सहकारीहरुले उद्देश्य अनुरुप काम गर्न नसकिरहेको अवस्थामा आदर्श सञ्चार नमूना उद्देश्य अनुसारको काम गर्ने नमूना सहकारी भएको उनको तर्क थियो । आर्थिक कृयाकलाप सञ्चालन गर्दा घाटा नाफा मात्रै नभएर सामाजिक रुपमान्तर र उत्तरदायित्वलाई पनि ख्याल गर्नुपर्नेमा थापाले जोड दिए । संस्थाले यसपटक फरुक रुपमा साधारण सभा सम्पन्न गरेको हो । तीन जना वालक र चार वालिकाले सहकारीको सात कलको मैनवत्ती वालेर उद्घाटन गरिएको थियो ।
संस्थाले गत आर्थिक बर्षमा २ करोड ४५ लाख ८२ हजार १८ रुपैयाँ मुनाफा गरेको जनाएको छ । झण्डै साडे १६ करोडको कारोवार गरेको संस्थाले उक्त मुनाफा निकालेको हो । मुनफा मध्ये २ करोड १८ लाख ३९ हजार २ सय ८४ रुपैयाँ खर्च भएको कोषध्यक्ष पूर्णबहादुर कार्कीले जानकारी दिए । सहकारी मार्फत पत्रिकाको प्रकाशन, बिभिन्न सञ्चार माध्यममा लगानी र बचत तथा ऋणको कारोवार गर्दै आएको संस्थाले १३ औं साधारणसभावाट आदर्श सञ्चार अनलाई समेत सुभारम्भ गरेको थियो ।
साधारण सभाका अवसरमा १८ जना जेष्ठ नागरीक, चार दर्जन बढी उत्कृष्ट करोवार गर्ने बचत कर्तालाई सममान गरीएको थियो । त्यस्तै सहकारीका सदस्य बृद्धिमा सहयोग गर्ने शेयर सदस्य र आन्तरीक कर्मचारी तथा स्तम्भकारलाई सहकारीले सम्मान गरेको छ । यस बर्ष उत्कृष्ट कर्मचारीको रुपमा धौलागिरी जागरण साप्ताहीकका सह–सम्पादक द्वय र्सिजना पन्त र सुवास गौतम पुरस्कृत भएका छन् । उनिहरुलाई नगद पाँच हजार सहित पुरस्कृत गरीएको थियो ।
त्यस्तै स्तम्भकारको रुपमा पत्रकार राजेशचन्द्र राजभण्डारी, कृषिता अधिकारी, जिवन कुमार शाक्य र तुलसीराम पाण्डे सम्मानीत गरिएको थियो । उनिहरुलाई नगद २ हजार ५ सय रुपैयाँ सहित सम्मान गरीएको पत्रिकाका कार्यकारी सम्पादक दिल शिरिषले बताए । सहकारीले शनिवारदेखिनै अनलाईन पत्रिका सञ्चालनमा ल्याएको छ । अनलाईन पत्रिकाको काठेखोला गाउँपालिकाका अध्यक्ष अमर थापाले शुभारम्भ गरेका थिए । आदर्श सञ्चार डट कम नाम गरेको अनलाईन पत्रिका सञ्चालनमा आएको हो ।
सिर्जनशिल पत्रकारीता पुरस्कार थापालाई
यसैवीच पत्रकार महासंघ बागलुङका सचिव रामबहादुर थापा सिर्जनशिल पत्रकारीता पुरस्कारबाट पुरस्कृत भएका छन् । आदर्श सञ्चार सहकारी संस्थाले शनिवार १३ औं साधारण सभामा थापालाई उक्त पुरस्कार प्रदान गरेको हो । सञ्चार क्षेत्रमा महत्वपूर्ण योगदान पु¥याएको भन्दै पुरस्कार प्रदान गरीएको सहकारीका अध्यक्ष हुमकुमारी जिसी अञ्जुले बताईन । सहकारीले प्रकाशन गर्दै आएको धौलागिरी जागरण दैनिकमा कार्यरत सह–सम्पादक सिर्जना पन्त र पूर्वसञ्चालक सन्तोष क्षेत्रीले बिबाह खर्च कटाएर स्थापना गरेको अक्षयकोषबाट हरेक बर्ष साविकको धौलागिरी अञ्चलका एक जना कृयाशिल पत्रकारलाई पुरस्कृत गर्दै आएको छ । थापाले पाचौं सिर्जनशिल पत्रकारीता पुरस्कार प्राप्त गरेका हुन् । पाँच हजार राशी रहेको पुरस्कार थापालाई प्रदान गरीएको हो । यस उक्त पुरस्कार बाट पत्रकार महासंघ बागलुङका अध्यक्ष दिल शिरिष, पर्वतका पत्रकार सन्तोष थापा, म्याग्दीका पत्रकार सन्तोष गौतम र बागलुङकै पत्रकार संगम घर्ति पुरस्कृत भएका थिए । सन्तोष र सिर्जनाले बिबाह खर्च कटाएर ५० हजार राशिको अक्षय कोष स्थापना गरेका थिए । सोही कोषको व्याज रकमले सिर्जनशिल पत्रकारीता पुरस्कार प्रदान हुँदै आएको छ ।
