मित्रलाल खरेल गल्कोट २०७६ असोज १२ । गल्कोट नगरपालिका ९ बाँसखोला स्थित खड्गकालिका युवा क्लबले ३० औँ बार्षिकोत्सव तथा बडा दशैँ मेला २०७६ को अवसरमा विविध कार्यक्रमहरुको आयोजना गरी भव्यरुपमा मनाउने भएको छ ।
कार्यक्रम अनुसार वडास्तरीय भलिबल प्रतियोगिता, खुला सामुहिक नृत्य प्रतियोगिता, पुरुष तथा महिला रस्साकसी प्रतियोगिताहरुको आयोजना गरिने क्लबका अध्यक्ष शिशिर बम मल्लले ईबागलुङलाई जानकारी दिए । प्रतियोगिताहरुको पुरस्कार राशीमा भलिबल प्रतियोगितामा प्रथम हुनेले रु ४०, ०३०। सहित कप मेडल र प्रमाणपत्र, व्दितिय हुनेले रु २० हजार सहित कप मेडल र प्रमाणपत्र दिईने छ भने खुल्ला सामुहिक नृत्य प्रतियोगिता तर्फ प्रथम, व्दितिय र तृतिय हुने टिमलाई क्रमश रु १५ हजार, रु १० हजार र रु ५ हजार पुरस्कार दिईने छ ।
यस क्लबले समाजमा रहेका विभिन्न बिसंगतीहरुलाई न्यूनिकरण गर्दै नयाँ समाज निर्माणमा युवाहरुमा सकारात्मक सोँचको विकास गरी उनिहरुलाई विभिन्न कुलत तथा दुव्र्यसनबाट बचाई खेलकुद क्षेत्रको विकासमा आकर्षित गर्ने आदि कार्यहरु सन्चालन गर्दै आएको छ ।
कार्यक्रम यहि असोज १५ गते देखी १८ गते ४ दिनसम्म सन्चालन हुने आयोजकले जनाएको छ । सो अवसरमा सांगीतिक प्रस्तुती रहने बताईएको छ ।
