कमल पौडेल, बडिगाड २०७६ कात्तिक ९ । नेपाल कम्यूनिष्ट पार्टी (ने.क.पा.) ले बडिगाड गाउँपालिका वडा नं. २ को वडा अध्यक्षको उपनिर्वाचनमा जिल्ला कमिटि सदस्य ढालेन्द्र शेरचनलाई सिफारिस गरेको छ भने नेपाली काग्रेसले डिल बहादुर रानालाई उमेद्वार बनाउने निर्णय गरेको वडा समितिका उपाध्यक्ष चुमाकान्त पोखरेलले जानकारी दिए। त्यस्तै राष्ट्रिय जनमोर्चाले ३ जनाको नाम जिल्ला कमिटिमा सिफरिस गरेको छ। जस अन्तरगत यस अघिको चुनावका प्रत्यासी समेत रहेका प्रेम पुन, सहित दोर्ण बन र दिलमाया गिरि ३ जनालाई सिफरिस गरिएको जनमोर्चाले जनाएको छ।
वडा अध्यक्षमा निर्वाचित विष्णु प्रसाद भुसाल जिल्ला समन्वय समितिको उपप्रमुख भएपछि निर्वाचन हुन लागेको हो। यस वडामा नेपाल कम्यूनिष्ट पार्टी (ने.क.पा.), नेपाली काग्रेस र राष्ट्रिय जनमोर्चा विच नै प्रतिश्पर्धा हुनेछ।
