रनिश रानामगर, बागलुङ २०७६ पुस ३ । काठेखोला गाउँपालिका वडा नं १का वडा अध्यक्ष खड्क थापाले बालबालिकाको व्यक्तित्व तथा क्षमता निखार्नु नै शिक्षा भएको बताएका छन् ।
वडा नम्बर १ करिना स्थित सरस्वती प्राथमिक विद्यालयको २७औं वार्षिकोत्सवको अवसरमा आयोजित कार्यक्रममा बोल्दै उनले सो कुरा बताएका हुन् ।
कार्यक्रममा काठेखोला गाउँपालिकाका स्रोत व्यक्ति पुर्ण प्रसाद ढुंगाना, वडा सदस्य गम्विरा थापा, संस्थापक प्रअ टिका बहादुर थापा, पूर्व वि व्य स अध्यक्ष नर वहादुर थापा लगायतले कार्यक्रममा शुभकामना मन्तव्य दिएका थिए। कार्यक्रममा बिद्यालयले संचालन गरेका अतिरिक्त क्रियाकलाप र वार्षिकोत्सवमा आयोजित विभिन्न प्रतियोगिताका विजेताहरुलाई पुरस्कार वितरण गरिएको थियो भने विद्यालयका प्र अ वल वहादुर थापाले विद्यालयको शैक्षिक प्रगती प्रतिवेदन प्रस्तुत गरेका थिए ।
कार्यक्रम वि व्य स अध्यक्ष हरि बहादुर रानाको अध्यक्षता , शिक्षक पृथिकला थापाको संचालन र शिक्षक लाल कुमारी राना क्षेत्रीको स्वागतमा सम्पन्न भएको थियो।
