कमल पौडेल, बडीगाड २०७६ पुस ५ । खर्वाङबाट बिरामी लिएर सिसाखानी तर्फ जाँदै गरेको लु १ च ७५१५ नंं. को पिकअप जिप बिहान करिब ८ बजे बडीगाड गाउपालिका २, सक्न्यार टुटिफँदमा दुर्घटना हुँदा ५ जना घाइते भएका छन् ।
दुर्घटनामा बडीगाड गाउँपालिका वडा नं. ३ सिसाखानी वस्ने वर्ष २४ का चालक रमेश श्रीस, ऐ सरधारा वस्ने वर्ष २६ की शान्ती थापा, निजकै छोरी वर्ष ६ की विविशा थापा, सोहि स्थान वस्ने वर्ष २३ की नुनु रेश्मी र सोहि स्थानकै वर्ष ३३ की चुरा कुमारी थापा घाइते भएका हुन् ।
घाइते मध्ये विविशा थापा र नुनु रेश्मीको अवस्था गम्भिर रहेको र घाइतेको खर्वाङमा सामान्य उपचार पछि पाल्पा पठाइएको प्रहरीले जनाएको छ । जीप सडकवाट झण्डै ३०० मिटर तल खसेको छ।
