बागलुङ २०७६ पुस १६ । अंग्रेजी पात्रो (क्यालेन्डर) अनुसार आज पुस १६ तदनुसार सन २०२० को जनवरी १ तारिख देखी नयाँ वर्ष इस्वी संवत प्रारम्भ भएको छ । सन २०२० वर्षको पहिलो दिन आज विश्वभर बिशेष उमंगका साथ मनाईएको छ ।
नेपालमा पनि नयाँ वर्ष इस्वी संवत २०२० लाई विविध कार्यक्रमका विच मनाईएको छ । यसै क्रममा बागलुङ स्थित ब्रह्मकुमारी ईश्वरीय विश्वविद्यालय राजयोग केन्द्र बागलुङमा आज विहान मैनबत्ति प्रज्वलन गरी शुभकामना आदानप्रदान सहित नयाँ वर्ष सन २०२० लाई स्वागत गरिएको छ । सो कार्यक्रममा राजयोगिनी दिदी सावित्री सहित ब्रह्माकुमार एवं ब्रह्माकुमारीहरुको सहभागिता रहेको थियो ।
यसैवीच बागलुङ महोत्सव स्थल धौलागिरी बहुमुखी क्याम्पस प्रांगणमा पनि राति १२ बजे विशेष सांगीतिक कार्यक्रम बीच नयाँ वर्ष सन २०२० लाई उत्साह र उमंगका साथ मनाईएको छ ।
