सन्ध्या आचार्य, कुस्मीसेरा २०७६ माघ १७ । जैमिनी नगरपालिकाका नगरप्रमुख ईन्द्रराज पौडेलले शहीदले गरेको त्यागलाई सम्मान गर्दै अरुमा पनि त्याग गर्ने भावना जागरुक होस् भन्ने कामना गरेका छन् । नगरप्रमुख पौडेलले हिँजो बिहीबार कुस्मीसेरामा जैमिनी नगरपालिकाव्दारा देश र जनताको अधिकारका निम्ति जीवन आहूति गर्ने शहीदहरुको सम्मानमा आयोजित शहीद दिवसका अवसरमा बोल्दै यस्तो बताएका हुन् ।
जहानियाँ राणा शासनविरुद्ध लड्दालड्दै ज्यान बलिदान दिएका शुक्रराज शास्त्री, धर्मभक्त माथेमा, दशरथ चन्द र गंगालाल श्रेष्ठको सम्झनामा प्रत्येक वर्ष माघ १६ गते शहीद दिवस मनाइन्छ ।
पछिल्ला वर्षहरुमा शहीद दिवसको दिन अन्य जनआन्दोलनमा प्राण आहूति दिने योद्धाहरूको पनि सम्मान गरिन्छ ।
नगर प्रमुख पौडेल, नगर शिक्षा उप सचिव तथा निमित्त प्रशासकीय अधिकृत खेम प्रसाद आचार्य बरिष्ठ कार्यक्रम अधिकृत भेषराज शर्मा अन्य कर्मचारी, बैङ्क तथा वित्तिय संस्थाका प्रमुख, पत्रकार लगायतको उपस्थिीतिमा शहीदहरुको तस्विरमा अविर र फूल चढाई सम्मान गरीएको थियो ।
यसैगरी बागलुङ जिल्लाका अन्य पालिकाहरुमा पनि विविध कार्यक्रमहरुको आयोजना गरी शहीद दिवस मनाईएको छ ।
