बागलुङ २०७६ फागुन ६ । बागलुङ नगरपालिका २ उद्योग बाणिज्य संघ चोकमा कार र मोटरसाईकल एकापसमा ठोक्किएर दुर्घटना हुँदा मोटरसाईकल चालक घाईते भएको प्रहरीले जनाएको छ ।
दिउँसो पौने ३ बजे तिर बा १५ च ६२७६ को निजी कार र ध १ प १९४५ को मोटरसाईकल ठोक्किएर भएको दुर्घटनामा बागलुङ नगरपालिका ३ का वर्ष २९ का मोटरसाईकल चालक उपेन्द्र किसान घाईते भएको ट्राफिक प्रहरी प्रमुख प्रनानि शिव पाठकले जानकारी दिए । घाईतेको खुट्टामा चोट लागेकोले धौलागिरी अस्पतालमा उपचार भैरहेको उनले बताए । निजको अवस्था सामान्य रहेको अस्पताल श्रोतले बताएको छ ।
कार चालक युधिष्ठिर भण्डारी प्रहरीको सम्पर्कमा रहेको जिल्ला प्रहरी कार्यालय बागलुङले जनाएको छ ।
