सन्ध्या आचार्य, कुस्मीसेरा २०७६ फागुन २९ । नेपाल तरुण दल जैमिनी नगर कार्य समितिको सचिवमा शिव श्रीसलाई चयन गरिएसँगै नेपाल तरुण दल जैमिनी नगर कार्य समितिले बिहीबार पूर्णता पाएको छ ।
नेपाल तरुण दल क्षेत्र नम्बर १ का सभापति दल बहादुर श्रीस रानाको प्रमुख आतिथ्यता र नेपाली कांग्रेस जैमिनी नगर पार्टी सभापति काशीराम आचार्यको समुपस्थिति रहेको एक कार्यक्रमका बिच पदपूर्ति गरिएको हो । सो कार्यक्रममा नेपाल तरुण दल क्षेत्रीय सदस्य राजकुमार राना, नेपाली कांग्रेस वडा नम्वर १ का सभापति हरि प्रसाद शर्मा, वडा नम्वर २ का सभापति आनन्द प्रसाद आचार्य, लगायतका अतिथिको उपस्थिीति रहेको थियो ।
सभापति लेख बहादुर थापा (रोहित) रहेको समितिमा सचिव पद रिक्त रहेको थियो । यस अघि सचिव पदमा रहेका पुरन श्रीस नगर पार्टी कमिटिको सचिवमा पद स्थापना भएपछि सचिव पद रिक्त रहेको थियो भने सो पदमा शिव श्रीसलाई मनोनित गरी पदपूर्ति गरिएको हो ।
उतm कार्यक्रममा नेपाल तरुण दल क्षेत्र नम्बर १ का सभापति दल बहादुर श्रीस राना, नेपाली कांग्रेस जैमिनी नगर पार्टी सभापती काशीराम आचार्य र अतिथिहरुले शुभकामना मन्तव्य व्यक्त गरेका थिए । कुस्मीसेरामा भएको सो कार्यक्रम नेपाल तरुण दल नगर कार्य समितिका उपाध्यक्ष गोविन्द थापाको स्वागत मन्तव्य र नगर पार्टी सचिव पूरन श्रीसको संचालनमा सम्पन्न भएको थियो ।
