रनिश रानामगर बागलुङ २०७६ चैत ८ । नेपाली काङ्ग्रेस क्षेत्रिय समिति १ को आयोजना तथा नेपाली कांग्रेस काठेखोला गापा वडा नम्बर १ को संयोजनमा आज संगठन विस्तार तथा सदस्यता वितरण कार्यक्रमका साथै कोरोना भाईरसबाट बच्ने सावधानीका बारेमा छलफल तथा सचेतना कार्यक्रम सम्पन्न भएको छ। सो अवसरमा कोरोना भाईरस संक्रमणबाट बच्ने र फैलिन नदिन अपनाउनु पर्ने सजगताका बारेमा बक्ताहरुले प्रकाश पारेका थिए ।
कार्यक्रममा संगठन सुदृढीकरण कार्यक्रम काठेखोला का संयोजक तथा महाधिवेशन प्रतिनिधि हरिहर शर्माले कार्यकर्तामा बिचार बलियो भयो भने पाटी बलियो हुने भएकाले नियमित भेटघाट तथा सुदृढीकरण कार्यक्रम गर्नु पर्ने बताएका छन्।
कार्यक्रममा सहभागीहरुको राय सल्लाह तथा सुझाव सङ्कलन गरिएको र उक्त सुझाबलाई क्रमिक रुपमा सम्वोधन गर्ने पाटी सभापति खडक थापाले प्रतिबद्धता जनाए । कार्यक्रममा दलित संघ जिल्ला अध्यक्ष तारा बहादुर विक , पुर्ब गाबिस अध्यक्ष हरिप्रसाद शेरचनले आफ्नो धारणा राखेका थिए । सो अवसरमा क्रियाशील सदस्यहरुको सक्रिय सहभागिता रहेको थियो।
कार्यक्रममा नेपाल दलित संघ वडा स्तरीय समिति तथा नेपाल राष्ट्रिय मगर संघ गठन गरिएको छ। दलित संघको अध्यक्षमा नर बहादुर नेपाली, उपाध्यक्ष गोरि किसान सचिव राजु नेपाली , कोषाध्यक्ष शषिलाल नेपाली सदस्य स्यानो किसान,अन्जु किसान,सेती नेपाली वीर बहादुर किसान प्रेमलाल विक रहेका छन् भने राष्ट्रिय मगर संघको अध्यक्षमा घनश्याम रोका उपाध्यक्ष राजकुमारी थापा सचिव महेन्द थापा, सहसचिव अमर थापा, कोषाध्यक्ष बम बहादुर थापा, सदस्य झम्मर बहादुर थापा,मंगलि थापा,कमल थापा र कुमारी थापालाई चयन गरिएको छ।
त्यस्तै पार्टी कोष पनि स्थापना गरिएको छ । जस्को संयोजकमा लक्ष्मण थापा सदस्य सचिव गोरे विक लगायतका सदस्य निर्माण गरिएको छ। पाटीको संगठन सुदृढीकरण तथा विस्तारको लागि टोल भेला गर्ने निर्णय पनि गरिएको छ ।
कार्यक्रममा क्रियाशील सदस्यता पनि वितरण गरिएको थियो। वडा पाटी सभापति खडक थापाको अध्यक्षता भएको कार्यक्रमको स्वागत सचिव रन बहादुर थापा र सञ्चालन सचिव गणेश नेपाली ले गरेका थिए ।
