सुरेश छन्त्याल, गल्कोट २०७६ चैत १६ । विश्वव्यापी महामारीको रुपमा फैलिरहेको कोरोना भाइरस रोकथाम तथा नियन्त्रण गर्नका लागि गल्कोट नगरपालिका १० पाण्डबखानी र गल्कोट नगरपालिका ७ मल्म जोड्ने नाका होङहोङ्गे खोलामा र रमुवादेखि रणसिंह जोड्ने बाटो पूर्णरुपमा बन्द गरिएको छ ।
विशेषगरी वैदेशीक रोजगारबाट गाउ फर्कने र बजारबाट गाउ आउने क्रम तिब्र गतिमा बढेको कारण बाटो बन्द गरी निगरानी राख्न युवाहरु सक्रिय रुपमा लागि परेको स्थानीय विष्णु काउचाले जानकारी दिए । पछिल्लो क्रममा बागलुङमै कोरोना भाइरस संक्रमित देखा परेपछि गाउमा पनि यस्तो कदम अपानाएको हो । त्यस्तै कसैको मृत्यु भएमा मलामी आवश्यक भन्दा वढी नजाने, अनावश्यक बाहेक बाहिर ननिस्कने, निस्कनु परेमा मास्कको प्रयोग गर्ने समेत वडा अध्यक्ष तिलक घर्तिले बताए ।
