छविलाल पाण्डे, बुर्तिवाङ २०७६ चैत १७ । निसीखोला गाउँपालिका वडा नं.४ ले सोमबार आफनो वडामा रहेका गरीब, विपन्न असहाय परिवारलाई राहत स्वरुप खाद्यान्न हस्तान्तरण गरेको छ ।
वडा अध्यक्ष टिकानिधी पौडेलको विशेष पहलमा वडाको तर्फदेखि २६ परिवारलाई प्रति परिवार ३० केजी चामल, एक प्याक तेल र एक केजी दाल हस्तान्तरण गरीएको थियोे ।
विश्वव्यापि रुपमा फैलिएको कोरोना भाइरसका कारण नेपाल एकहप्ता देखि लकडाउनको अवस्थामा रहँदै गर्दा दैनिक ज्याला मजदुरी गरेर छाक टार्दे आएका र असहाय , विपन्न परिवारलाई वडाको निर्णय अनुसार राहत उपलब्ध गराइएको हो ।
आफनो वडामा राहत लिन छुटेका परिवारलाई भोली पनी वितरणको कार्यक्रम रहेको वडा अध्यक्ष पौडेलको भनाई छ । आफुहरुले थालेको अभियानमा आर्थिक भौतिक नैतिक रुपमा साथ दिन वडा कार्यालयले सबैमा अपिल समेत गरेको हो ।
