राम खत्री, गल्कोट २०७७ बैशाख २३ । लायन्स क्लब अफ बागलुङ गल्कोट सिटीको अध्यक्षमा पुर्ण बहादुर काउचा चयन भएका छन । आज सम्पन्न क्लबको तेस्रो अबिधेशनबाट बर्ष २०२०र२१ को लागि नयां कार्यसमिति चयन भएको हो । क्लबको प्रथम उपाध्यक्षमा भिमसेन श्रेष्ठ, व्दितिय उपाध्यक्षमा हिम बहादुर भण्डारी, तृतीय उपाध्यक्षमा नन्दराज शर्मा चयन भएका छन् । त्यस्तै क्लबको सचिवमा वीर बहादुर बोहोरा क्षेत्री र कोषाध्यक्षमा बिरजंग भण्डारी सर्बसम्मत चयन भएको बताईएको छ ।
नव गठित कार्य समितिको आगामी जुलाई १ बाट कार्य प्रारम्भ हुनेछ । मानवीय सेवामा कार्य गर्दै आएको अन्ट्रराष्ट्रिय सामाजिक संस्था लायन्स क्लब अफ गल्कोट सिटिले बर्ष २०१९ २० अन्तरगत चट्याङ लागेर मृत्यु भएकी दुदिलाभाटिकी बिजुला खत्रीको परिवारलाई १५ हजार रुपैंया, यसैगरी गल्कोट अन्तर्राष्ट्रिय मुर्तिकला कार्यशालाई १० हजार प्रदान गर्नुका साथै विभिन्न सामाजिक कार्य गर्दै आईरहेको क्लबका व्दि तिय उपाध्यक्ष हिम बहादुर भण्डारीले बताए ।
हाल विश्वभर फैलिएको कोरोना भाईरसको कारणले गर्दा लकडाउनको नियम पालना गर्दै अधिवेशन सम्पन्न भएको जानकारी दिंदै भण्डारीले कोरोना भाईरसबाट बच्न सबैलाई सावधानीका उपाय अपनाउन र सरकारले लागु गरेको लकडाउनको पुर्ण पालना गरी घरमा नै सुरक्षित रहन समेत सम्पुर्णमा आग्रह गरेका छन् ।
