प्रकाश पौडेल/रामशरण पोखरेल पर्वत २०७७ जेठ ३२ । कुस्मा नगरपालिका ३ दुर्लुङ ढकालबारीमा भीषण वर्षा पछी खसेको पहिरोले दुई घर पुरिदा ३ जनाको मृत्यु भएको छ भने ६ जना बेपत्ता भएका छन् ।
कुस्मा नगरपालिका ३ का अध्यक्ष तेज प्रसाद पाध्याका अनुसार राति साढे ८ बजेतिर घर माथीबाट खसेको पहिरोले स्थानीय तुलबहादुर थापा र कमला बिकको घर पुरिएको थियो। पहिरोमा परी मृत्यु भएका तुलबहादुर थापा, उनकी श्रीमती मीन कुमारी थापा र नातिनी विविशा थापाको शव फेला परेको छ भने सम्राट थापा, दीपा थापा, विवेक थापा, कमला विक, जेनिस विक र प्रमिसा विक बेपत्ता छन् ।
अपडेट: अहिले बिहान थप २ जनाको शव फेला परेको छ भने अझै चार जना बेपत्ता छन् उनिहरुको खोजी कार्य जारी छ ।
घटनास्थलबाट सहयोगी रामशरण पोखरेलले पठाएका तस्वीरहरु
One Comment