पहिरोले बागलुङ कम्पुटोलका दुई घर जोेखिममा !

सोम शर्मा, बागलुङ २०७७ असार २ । बागलुङ नगरपालिका वडा नंबर ३ कम्पुटोल स्थित द्वारिका प्रसाद शाक्यको घर पछाडीको भागबाट आज बिहान पहिरो खसेको छ । घरको तल रहेको ठुलो चौरमा खानेपानीको ट्यांकी बनाउने कार्य चलेको र त्यहाँ डोजर पनि चलाएकाले त्यस्को कम्पनले गर्दा पहिरो खसेको घर धनी शाक्यले बताए । घरमा खासै क्षति केहि नभएपनी घरको जगमा रहेको माटो भने खसेको छ, त्यसले गर्दा घर जोखिममा रहेको उनको तर्क थियो । उक्त ठाउंमा पहिरो जांदा छेवैमा रहेको बिक्रम शाक्यको घरमा समेत सामान्य क्षति पुगेको छ ।

प्रमुख जिल्ला अधिकारी गोलोचन सैजु, बागलुंङ नगरपालिकाका नगरप्रमुख जनकराज पौडेल र वडा नंबर ३ का वडा अध्यक्ष लक्ष्मी बास्कोटाले सो पहिरोको निरीक्षण गरेका थिए । जोखिमको मापन गरेर नगरपालिका र नगर खानेपानीका इन्जिनियरले निरीक्षण गरेर क्षति ग्रस्त ठाउंको मर्मत गरिदिने सहमती भएको शाक्यले बताए ।

फेसबुकमार्फत कमेन्ट गर्नुहोस !