काठेखोला-४ तंग्राम फापरखेतमा पहिरोले घर पुरिँदा एक महिला बेपत्ता !

भरत सापकोटा, बागलुङ २०७७ असार ६ । केहि दिन देखिको अबिरल वर्षाका कारण ठाउँठाउँमा बाढी पहिरोबाट जनजीवन प्रभावित बनेको छ ।

यसैबीच सदरमुकाम संग जोडिएको काठेखोला गाउपालिका ४ तंग्राम फपरखेतमा अबिरल वर्षाका कारण आज विहान पहिरो खसेर घर पुरिदा लाल बहादुर पुनकी बुहारी टोप बहादुर पुनकी श्रीमती वर्ष ३८ की बिमला पुन बेपत्ता भएकी हुन् ।

घरबाट उनका पति, छोरा दुई छोरीहरु बाहिर निस्कन सफल भएपनि बिमला निस्कन नभ्याएको प्रत्यक्षदर्शीले बताएका छन् । उद्धारको लागी नेपाली सेना र प्रहरीको टोली पहिरो स्थलमा पुगेपनि माथीबाट पहिरो खसीरहेकोले उद्धारकार्यमा कठिनाई भएको बताईएको छ ।

थप विवरण आउन बाँकी ।

फेसबुकमार्फत कमेन्ट गर्नुहोस !