बागलुङ २०७७ असार १३ । बागलुङ जिल्लामा आज मात्रै कोभिड १९ संक्रमितहरु ३५ जना थपिएका छन् । स्वास्थ्य निर्देशनालय पोखराव्दारा विहान ७.१५ बजे प्रकाशित विज्ञप्ती अनुसार काठेखोला गाउँपालिकामा ७ र ढोरपाटन नगरपालिकामा १ जना गरी ८ जनामा कोरोना संक्रमण पुष्टि भएको थियो भने केहि समय अघिमात्र प्रकाशित विज्ञप्ती अनुसार बागलुङ जिल्लामा थप २७ जनामा कोरोना संक्रमण देखिएको छ ।
स्वास्थ्य निर्देशनालय पोखराबाट प्रकाशित विज्ञप्तीमा बागलुङ नगरपालिकाकामका १७ जना बडीगाड गाउपालिकाका ६ जना पुरुष र काठेखोला गाउँपालिकाका २ जना पुरुष र २ जना महिलामा कोरोना संक्रमण पुष्टि भएको उल्लेख छ । यसैगरी पर्वतमा एक जना पुरुष र तनहुँमा तीन जना महिला र तीन जना पुरुषमा संक्रमण देखिएको छ । यस संगै गण्डकी प्रदेशमा संक्रमितको संख्या ८८८ पुगेको छ ।
