ताराखोला वडा न ४ र ५ मा २५ भन्दा बढी घर पहिरोको जोखिममा !

पूर्णभद्र निउरे ताराखोला २०७७ असार २६ । हिजो देखि लगातार रुपमा परेको बर्षाका कारण ताराखोला गाउँपालिकाका २५ घर भन्दा बढी पहिरोको जोखिममा परेका छ्न ।

वडा न ४ को नागबेली बेलास्पुर , पट्टी पाखापानी गाउँका करिब १२ घर र वडा न ५ को धस्मर गाउँका १३ घर पहिरोको जोखिममा परेको वडा न ४ का वडा सदस्य ओम बहादुर घर्तीले जानकारी दिए ।

लगातार पानी परिरहेको र घर अगाडी र पछाडीबाट पहिरो झरिरहेकाले अहिले जोखिम भएका घर परिवार छिमेकीको घरमा बसिरहेका स्थानीय शिक्षक मन बहादुर घर्तीले ईबागलुङलाई बताए । गाउँपालिकाको बिपत ब्यबस्थापन टोली र ईलाका प्रहरी कार्यालयको टोली अहिले सो स्थानमा जाँदै गरेको बताइएको छ ।

फेसबुकमार्फत कमेन्ट गर्नुहोस !