पूर्णभद्र निउरे ताराखोला २०७७ असार ३० । गएराति देखि परिरहेको अबिरल वर्षाका कारण ताराखोलाको बालबिकास केन्द्र सहित ७ घर परिवार पहिरोको जोखिममा परेका छ्न । वर्षाका कारण ताराखोला गाउँपलिका वडा न ४ मा रहेको बाल बिकास केन्द्रको भवन नजिकैबाट पहिरो झरेको र थुप्रै ठाउँमा चर्किएकोले भवन सङ्गै रहेका अन्य ७ घर समेत पहिरोको जोखिममा रहेको स्थानीय भबिलाल गोतामेले जानकारी दिए ।
भवन अगाडीबाट पहिरो झरे पछि भवन तल रहेका भबिलाल गोतामे, पतिराम बिक , हरि बहादुर बि क कृष्ण बि क जुनुमाया बि क मनसुर बि क र जग बहादुर बि क को घर समेत जोखिममा रहेका छ ।
त्यसै गरि ताराखोला २ को सिलेमा पहिरो जादा सहिद मार्ग अबरुद्ध भएको छ । त्यस्तै ताराखोला ४ बतासे डाडा , ताराखोला २ हिल बगरमा पहिरो जादा ताराखोला देखि हरिचौर हटिया मोटर बाटो खण्ड पनि अबरुद्ध रहेको छ ।
