सोम शर्मा, बागलुङ २०७७ साउन ६ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बिगत २४ घण्टामा नेपालमा १ सय ५० जनामा कोरोना संक्रमण पुष्टि भएको जानकारी दिएका छन् ।
आज आयोजित नियमित पत्रकार भेटघाट कार्यक्रममा प्रवक्ता डा। गौतमले आज थपिएका १ सय ५० जना सहित संक्रमितको संख्या १७ हजार ९ सय ९४ पुगेको बताए ।
स्वास्थ्य तथा जनसंख्या मन्त्रालयका अनुसार गत २४ घन्टामा निको भएका ६ सय ९ जना सहित हालसम्म कोरोना जित्नेको कुल संख्या १२ हजार ४ सय ७७ पुगेको छ।
नेपालका विभिन्न क्वारेन्टाइनहरुमा रहनेको संख्या २१ हजार ७०४ पुगेको छ भने आइसोलेसनमा ५ हजार ४ सय ७७ जनाको उपचार भइराखेको छ ।
यसैवीच आज मात्र बागलुङमा ६ जनामा कोरोना संक्रमण पुष्टि भएको छ । कोरोना संक्रमित हुनेहरुमा बागलुङ ताराखोला गाउँपालिकाका ३ जना पुरुष रहेका छन् भने जैमिनी नगरपालिका २ जना र बागलुङ नगरपालिका नारायणस्थानका एक जना गरी तीन जना पुरुषमा कोरोना देखिएको हो । आज थपिएका ६ जना सहित बागलुङ जिल्लामा संक्रमितका संख्या २ सय २९ पुगेको छ ।
