गौरीधाम शिवमन्दिरमा लायन्स र लिओ क्लबको संयुक्त आयोजनामा बृक्षारोपण !

सोम शर्मा, बागलुङ २०७७ साउन ९ । पबित्र गौरिधाम शिव मन्दिरमा बृक्षारोपण कार्यक्रम सम्पन्न भएको छ। लायन्स क्लफ अफ बागलुङ कालिका, लायन्स क्लब अफ पिस टाउन लायन्स क्लब अफ पन्चकोट र लियो क्लब अफ बागलुङ कालिकाको संयुक्त आयोजनामा धुपी, बेलपत्र, रुद्राक्ष, अशोका, स्वामी लगायतका बिरुवा मन्दिर आसपासको क्षेत्रमा रोपिएको थियो ।

बृक्षारोपण कार्यक्रममा बोल्दै कार्यक्रमका प्रमुख अतिथी डिस्टृक पिआरओ चन्द्र रेग्मीले लायन्सले बिभिन्न सामाजिक कृयाकलापमा हात हाल्दै आइरहेको र आजको कार्यक्रमले यस धार्मिक स्थलमा आबश्यक पर्ने बिरुवाले मन्दिरको शोभा बढाउने बिश्वास ब्यक्त गरे ।

त्यस्तै अर्का बक्ता लायन्स रिजन १३२ का जोन चेयर पर्सन गोबिन्द पौडेल गोपालले यसरी गरिने कार्यक्रमले सुन्दर हराभरा वातावरण बनाउन यस्ता कार्यक्रमहरु सन्चालन गरिरहनुपर्ने बताए ।

उनले हामीले यसरी बृक्षारोपण त गर्छौ तर यसको बेलाबेलामा आएर उचित स्याहार र संबर्दन गर्न अलि कम चासो देखाउने हुनाले यस्तो बृक्षरोपण कार्यक्रम नाममा मात्र सीमित भएकोले अब बृक्षारोपण गरेपस्चात त्यसको स्याहारमा पनि ध्यान दिनुपर्ने उल्लेख गरे।

औपचारिक रुपमा लायन्स क्लब अफ बागलुङ कालिकाका सचिब खगेश्वर पौडेलले सन्चालन गरेको कार्यक्रमको अध्यक्षता लायन्स क्लव अफ बागलुङ कालिकाका अध्यक्ष दिनेश जिसीले गरेका थिए भने स्वागत मन्तब्य लायन्स क्लब अफ पिस टाउनकी अध्यक्ष रमा घिमिरेले गरेकी थिइन ।

कार्यक्रममा रिजन चेयर पर्सन पार्वती अधिकारी, लायन्स क्लब पन्चकोट बागलुङका अध्यक्ष हरि शर्मा हरिस लगायतले बोलेका थिए।

फेसबुकमार्फत कमेन्ट गर्नुहोस !