छविलाल पाण्डे, बुर्तिवाङ २०७७ साउन १३ । निसीखोला र तमानखोला गाउपालिकामा गत राति साढे एक बजेको समयमा अबिरल वर्षा संगै पहिरो खसेर निसीखोला हर्पेका कमल परियारको घर पुर्दा उनको ३ वर्षिय बालक तोरण परियार र तमानखोलाका खोलेसावाङका पानबहादुर विकको घर पहिरोमा पर्दा निजका १३ वर्षिय छोरा खिमबहादुर बिक र १४ वर्षिया छोरी रिता बिकको मृत्यु भएको दुखद घटनाले पीडित परिवारको बिचल्ली छ भने गाउँनै शोकमग्न बनेको छ । अहिले पीडित परिवार छिमेकीहरुको शरणमा छन् । परिवारका अन्य सदस्यहरुलाई समेत चोट पटक लागेको छ भने घर पूर्णत नष्ट भएको छ । घटनास्थलमा सेना प्रहरीको टोली पुगेको छ भने स्थानीय समेतको सहयोगमा उद्धारकार्य जारी रहेको छ ।
अविरल बर्षातका कारण पहिरो जाँदा निसीखोला र तमानखोलामा ३ बालबालिकाको ज्यान गयो, लोकमार्ग अवरुद्ध !
