ताराखोला, २०७७ मंसिर ४ । NYC को बार्षिकोत्सब अबसरमा ७० हजार सहयोग रकम हस्तान्तरण मंसिर २ ताराखोला ताराखोला ४ मा रहेको नबसृजना युवा क्लब NYC ताराले सहयोग रकम हस्तान्तरण गरि आफ्नो बार्षिकोत्सब मनाएको छ ।
क्लबले एक कार्यक्रमको आयोजना गरि मेरुदण्ड भाचिएर अपांगता बनेकी धन कुमारी घर्तिको लागि संकलित रकम हस्तान्तरण गरेको हो । धन कुमारी घर्तीको स्वास्थ्य उपचार र छोरा बिबेकको शिक्षाका लागि सहयोग पुर्याउने उदेश्यले संचालित सहयोग संकलन अभियानबाट जुटेको रकम ७० हजार सात सय पचास रुपैयाँ धन कुमारी घर्तीकी दिदी बिष्णु माया घर्तीलाई हस्तान्तरण गरिएको क्लब अध्यक्ष पूर्णभद्र निउरेले जानकारी दिए ।
कार्यक्रमको अबसर मा बोल्दै ताराखोला गाउँपालिकाका राजनैनिक सल्लाहकार नरेश के सी ले सामाजिक हित र मानबीय सेवाका क्षेत्रमा क्लब ले गर्ने कार्य प्रशंसनीय रहेको बताए ।
वडा न ४ का वडा अध्यक्ष जित बहादुर खत्री ले NYC ताराले गर्ने जनचेतना र सामाजिक बिकास का कार्य वडा न ४ कै गौरव को भएको भन्दै क्लब ले आगामि दिन मा लिएका उदेश्य पूरा गराउन आफू सधैं साथ मा रहने कुरा बताए । कार्यक्रम क्लब अध्यक्ष पूर्ण भद्र निउरे को अध्यक्षता, प्रथम उपाध्यक्ष डि बि घर्तिको स्वागत र दित्तिय उपाध्यक्ष एम बि रोका को संचालनमा सम्पन्न भएको थियो ।
