दमौली २०७४ साउन १३ । रक्षाबन्धनको अवसरमा समाजमा अंहिशा, विश्व बन्धुत्वको भावना फैलाउने उद्देश्यले ब्रह्माकुमारी राजयोग प्रशिक्षण केन्द्र दमौली शाखाको अयोजनामा ओम् शान्ति भवन, तनहुँ कारागार थर्पुमा ब्रह्माकुमारी बहिनीहरुद्वारा रक्षासूत्र बाँध्ने कार्यक्रम सम्पन्न भयो ।
सो अवसरमा रक्षाबन्धनको आध्यात्मिक रहस्यको बारेमा प्रवचन गर्नु हुदै राजयोग शाखा दमौलीकी संचालिका ब्रह्माकुमारी यमुनाले स्वयंलाई नकारात्मक सोच,नशालु पर्दाथहरुबाट रक्षा गर्नुको प्रतिक रक्षाबन्धन भएकोले आजको दिन शुभ प्रतिज्ञा गर्न आग्रह गरेकी थिईन । साथै प्रमुख जिल्ला अधिकारी रितिक श्रेष्ठले पनि शुभकामना मन्तव्य व्यक्त गरेका थिए । कार्यक्रमको संचालन राजयोग प्रशिक्षक ब्रह्माकुमार राजु खड्काले गरेका थिए ।
सो कार्यक्रममा व्यास नगरका नगर प्रमुख बैकुण्ठ न्यौपाने,व्यापारी,युवा आदि गरी करीब २५८७ जनालाई ब्रह्माकुमारी बहिनीहरु यमुना,रेशमा,रेखा,सुजनाले रक्षासूत्र बाँधी दिएका थिए ।
मध्यपान,ध्रुमपान,नशालु पर्दाथ,मनो विकारहरु छोडने प्रतिज्ञन ३५६ जनाबाट भएको थियो ।
