थम्मन थापा सन्देश, बागलुङ २०७४ भदौ १६ हिन्दुहरुको महान पर्व विजया दशमीको आगमन सॅगै बहुचर्चित लोकदोहोरी गायक विष्णु खत्रीको दशैं तिहार गीत ‘जहाजको टिकट’ बजारमा आएको छ ।
बागलुङ जिल्लाको गलकोट नगरपालिका ७ मल्ममा जन्मेका खत्री नेपाली लोक दोहोरी क्षेत्रका एक महान हस्तीको रुपमा परिचित छन । वि.सं २०५७ सालमा गीत संगीतको यात्रा प्रारम्भ गरेका खत्रीले एक दशक भन्दा लामो सांगितिक यात्रा तय गरिसकेका छन । खत्रीले उक्त नयाॅ गीत आफनै युट्युव च्यानल विष्णु खत्री मार्फत बजारमा ल्याएका हुन ।
सम्पुर्ण श्रोता तथा दर्शकमा दशैं तिहारको शुभकामना सहित अडियो तथा भिडियो एक साथ रिलिज गरिएको छ । विष्णु खत्रीको उत्कृष्ट लय, शब्द अनि विष्णु खत्री र अनुपा थापाको सुमधुर स्वरमा सजिएको गीती एल्वम जहाजको टिकट सुमधुर क्रियसन मार्फत बजारमा आएको हो । चर्चित निर्देशक प्रकाश भट्टले निर्देशन गरेको यस गीतको भिडियो गायक खत्री र चर्चित मोडल रञ्जिता गुरुङको अभिनय रहेको छ । गीतमा विदेशमा रहेको लाहुरेले महान चाड बडा दशैंमा आफुले घर आउन छुट्टि नपाएको र बाबियो बाटेर पिङ खेल्न आग्रह गरेका छन भनें गाउॅमा रहेकी श्रीमतीले जहाजको टिकट काटेर दशैं तिहार मनाउन गाउॅमा आउन अनुरोध गरिएको छ ।
नेपाली समाजको यथार्थ परिवेशलाई गीत संगीत मार्फत सन्देश र मनोरञ्जन दिने गरि यस भन्दा अगाडि गायक खत्रीले थुप्रै दशैं तिहार गीतहरु दर्शक तथा श्रोता माॅझ पस्केर मन मुटुमा बस्न समेत सफल भएका छन । सुनको जलप, दशैं तिहार आउॅदा, यसपालीको दशैंमा आईन मेरी मुटु, लाहुरे दाई छुट्टिमा आको, दशैं तिहार सॅगै मनाउॅला, दशैं आयो तिहार आयो लगायतका थुप्रै चर्चित गीतहरु बजारमा आईसकेका छन । कहिले भरिया, कहिले बेपत्ता, कहिले किसान मजदुर, कहिले सहिद, कहिले लाहुरे, कहिले जन्म ठाउॅ, कहिले लाहुरे, कहिले माया पिरती त कहिले समाज परिवर्तनका गीतहरु आफनै लय, शब्द र स्वर मार्फत आम दर्शक माॅझ सांगितिक कोसेलीहरु पस्किसकेका गायक विष्णु खत्रीको फरक पहिचान रहेको छ । शैक्षिक क्षेत्रमा २ वटा विधामा डिग्री गरेका खत्री अनवरत रुपमा गीत संगीतमै तल्लिन रहेका छन । यसपालीको गीतलाई पनि विगतमा जस्तै सम्पुर्ण दर्शक तथा श्रोताले माया गर्ने र सफलता पाउने अपेक्षा गरेको खत्रीले बताए ।
