कमल पौडेल, गुल्मी २०७४ भदौ २४ । कतारमा अलपत्र परेका ७ जना नेपालीको उद्धार गरिएको छ । बुटवलमा घर भै कतारमा वस्दै आएका लिला जिसिको समन्वयमा गुल्मी मदानेका राजेश घर्ति, खोटाङका दिनेश कटुवाल, गंगा बहादुर कटुवाल, वीर बहादुर खड्का, सुर्खेतका जीत बहादुर विक भोजपुरका इरज राई र संखुवासभाका पुष्प भारती लाई उद्धार गरिएको हो। उद्धार गरिएका सातै जना शनिवार नेपाल फर्काउने तयारी भएको कतारवाट उद्धारमा संग्लग्न भएका चन्द्र सुर्य प्रकाश शर्माले जानकारी दिएका छन्।
विभिन्न प्रलोभनमा परि कतार पुगेका सातै जनाको उद्धार गरिएको र यो भन्दा पहिले पनि २० जनाको उद्धारगरि नेपाल पठाइएको जिसीलाई उदृत गर्दै कतारवाट शर्माले जानकारी दिएका छन् ।
उद्धार गरिएका सात जना राप्ती प्लेसमेन्ट सर्भिसवाट कतार पुगेको र नेपालवाटै कतार पुगी कम्पनि खोली पाँच महिना सम्म तलव नदिएर अलपत्र परेकाहरुको उद्धार गरिएको शर्माले बताए । शर्मा तथा जिसीले उद्धारमा सहयोग गर्ने नेपाली राजदुतावास र टिकटको लागी सहयोग गर्ने गुल्मी सेवा समाजलाई धन्यवाद दिएका छन् । उद्धार टोलीले नेपालवाट कतार जाने दाजुभाईहरुका लागी कतारको कानुन सहित आवश्यक कुरा वुझेर मात्रै जान आग्रह गरेको छ।
