ज्योतिषीले ७ चोटी प्रधानमन्त्री बन्छौं भनेको कुरा भन्न नहुने ? – गुल्मी कांग्रेस
प्रेम सुनार, गुल्मी, २०७४ पुस ७ । नेपाली कांग्रेस गुल्मीको जिल्ला पार्टी बैठकले यसपालीको निर्वाचनमा काग्रेंसको पराजयको मुख्य कारण वामगठबन्धन भए पनि केन्द्रिय नेतृत्वमा रणनैतिक चतुर्यता नहुँनु र अभिव्यक्ति पनि गलत हुनु चुनावी पराजयको अर्को कारण भएको निष्कर्श निकालेको छ । आज सदरमुकाम तम्घासको पार्टी कार्यालयमा आयोजित पत्रकार सम्मेलनमा प्रतिनिधी सभा र प्रदेश सभाको चुनावी समिक्षा बैठकको विश्लेषण सार्वजानिक गर्दै यस्तो निष्कर्श वाहिर ल्याएको हो ।
काँग्रेस सभापति भुवनप्रसाद श्रेष्ठले बैठकका निर्णयहरु सार्वजानि गर्दै भने– एकै चोटी दुई तहको निर्वाचन गराउन नहुने कुरामा नेतृत्वमा रणनैतिक चुतुर्यता पाईएन । उनले पार्टी सभापति तथा प्रधानमन्त्री शेरबहादुर देउवाले चुनावताका दिएका अभिव्यक्ति पनि गलत भएको धारणा राखे । उनले भने –उहाँ जस्तो नेताले ७ चोटी प्रधानमन्त्री बन्छौ भनेर ज्यातिषले भने भन्ने कुरा भन्न नहुने , कम्युनिष्टहरुले जिते भने अधिनायकवाद ल्याउँछन र जनताहरु रुन समेत पाउने छैनन् जस्ता अभिव्यक्तिहरु पनि दिन नहुने पराजयको अर्को कारण हुन सक्ने बैठकको निष्कर्ष रहेको छ । ’
श्रेष्ठले थपे–‘वामगठबन्धनका कारण मनोवैज्ञानिक असर प¥यो, हारको मुख्य कारण वामगठन्धन नै हो तर पनि आफुहरुको संगठन कम्जोर हुनु , स्थानिय निर्वाचनको पराजयले कार्यकर्तामा गिरेको मानसिकता हटाउन सकेनौं , त्यस्तै विपक्षीहरुले कांग्रेस विरुद्ध छरेका भ्रमहरु प्नि चिर्न सकेनौ , अर्को कुरा कांग्रेस भित्र व्यक्तिवादी चिन्तन र आराजक प्रवृत्ति बढेको महुशुस समेत पराजयका यिनै कारणहरु रहेको पाईएको छ ।
तर उनले वामगठबन्धन संगै पार्टी भित्र स्थानिय निर्वाचन ताका सम्मको एक आपसको असन्तुष्टी अन्त्य भई पार्टी एक ढिक्का भएको ठोकुवा भने गरेका छन् । नेता श्रेष्ठले लोकतन्त्रमा जित हार स्वभाविक भएको र यसपाली जसले जिते हारे पनि लोकतन्त्र र गणतन्त्रको जित भएको धारण राखे । यसापालीको निर्वाचन गणतन्त्रलाई संस्थागत गर्ने निर्वाचन थियो , जुन कांग्रेसको नेतृत्वमा स्वन्त्र र निष्पक्ष ढंगले भएको छ , यसैलाई हामीले जित ठानेका छौं नेता श्रेष्ठले भने–‘ पराजय देखिए पनि प्रत्यक्ष र समानुपतिक तर्फ कांग्रेसले सम्मानजनक मत पाएको छ , भोलीका दिनमा संगठन सुदृढ गर्दै अगाडी बढिने छ निरास नहुन म कार्यकर्ता पक्तिलाई आग्रह गर्दछु ।
त्यस्तै पार्टी सचिव खिलध्वज पन्थीले भने–‘ जहाँ पनि दलित र जनजातीहरु ब्ढि मात्रमा कम्युनिष्ट पार्टीहरुमा अन्धोभक्त भएर लागेको पाईयो , उनिहरुको गरिवी जस्ताको त्यस्तै हुँदा पनि उनिहरु असचेत भए । उनिहरुलाई पनि बुझाउन नसक्नु कांग्रेस पराजयको एउटा कारण हुन हाम्रो विश्लेषण छ । कार्यक्रममा उप सचिव छन्दबहादुर पहराई , पुर्व सांसद रुद्रमणी शर्मा भण्डारी लगायतका नेताहरु सहभागि थिए ।
