डम्मर बुढा मगर, बुर्तिवाङ २०७५ बैशाख ३ । निसीखोला गाउँपालिका–५ मसलगाउँका युवा हेम सापकोटाले दुई बिद्यालयका ६ जना गरिब तथा बिपन्न बालबालिकाहरुलाई नगद रु १ हजारका दरले ६ हजार रुपयाँसहयोग गर्ने भएका छन् । आमाको मुख हेर्ने दिन पारेर सापकोटाले सहयोग रकम दिने घोषणा गरेका हुन् ।
उनले आफ्नी आमा स्व मनकला सापकोटाको स्मृतिमा ज्ञानेन्द्र माबि निसी र जन माबि झिम्पाका ३÷३ जना गरिब तथा बिपन्न बालबालिकाहरु छनोट गरी सहयोग रकम हस्तान्तरण गर्ने प्रतिबद्धता व्यक्त गरेका छन् ।
