गल्कोट २०७५ जेठ २१ । गल्कोट नगरपालिका-२ नरेठाँटीका छविलाल बिककी मधुमेह रोगबाट पीडित छोरी अस्मिता बिकलाई सृजनशील समुदाय समाज बागलुङले आर्थिक सहयोग प्रदान गरेको छ ।
गल्कोट नगरपालिका-२ बहिलीमा आयोजित औपचारिक कार्यक्रममा प्रमुख अतिथी सृजनशील समुदाय समाजका महासचिव हामेबहादुर बिकले पीडित परिवारलाई ३ लाख ६७ हजार ८ सय ३५ रुपयाँ राहत हस्तान्तरण गरेका थिए ।
दलित एकता संजाल नेपाल गल्कोट नगरपालिका- २ का अध्यक्ष चिन्ता बहादुर नेपालीको अध्यक्षतामा सम्पन्न उक्त कार्यक्रममा नेपाल कम्युनिष्ट पार्टीका बुलबहादुर केसीको विशेष उपस्थिति रहेको थियो । कार्यक्रमकी सन्चालिका चन्द्रकला सुनार रहेको होम बिकले जानकारी दिएका छन् ।
