दिनेश शर्मा, बागलुङ २०७५ कात्तिक १८ । आगामी मंसिर १ देखी ९ गते सम्म सन्चालन गरिने प्रथम बडीगाड महोत्सव तथा पौँदी न्वागी मेलाको पर्यटन सस्कृती तथा नागरिक उड्डयन मन्त्री रबिन्द्र अधिकारीले गर्ने निश्चित भएको बडीगाड गाउपालिकाका अध्यक्ष मेहरसिँह पाईजाले जानकारी दिएका छन् ।
बडीगाड गाउपालिकाका अध्यक्ष पाइजा, उपाध्यक्ष अ्मर बहादुर श्रीस, मेला आयोजक समितीका उपाध्यक्ष कृष्ण भट्टराई, सचिब बिष्णु आचार्य, राष्ट्रपती कार्यलयका जनसम्पर्क अधिकृत हिरामणी आचार्य लगायतको टोलीले आज मन्त्री अधिकारीलाई भेटी उक्त कुराको निर्क्यौल गरिएको हो।
प्रथम बडीगाड महोत्सव तथा पौँदी न्वागी मेला आयोजक समितिले महोत्सव भव्यरुपमा सम्पन्न गर्न व्यापक प्रचार प्रसार एवं भव्य तयारी गरिरहेको महोत्सव संघसंस्था परामर्श उपसमितिका संयोजक कमल पौडेलले ईबागलुङलाई जानकारी दिए । महोत्सवमा बडीगाड गाउपालिकाका १० वडाहरुबाट प्रस्तुत गरिने कार्यक्रमहरुको पनि टुंगो लागेको संयोजक पौडेलले बताए ।
