सन्ध्या आचार्य, कुस्मीसेरा (बागलुङ) २०७५ पुस २१ । अखिल छैठौं जैमिनी नगरपालिकाको बैठक आज सम्पन्न भएको छ । अखिल छैटौं जिल्ला कमिटि वागलुङका अध्यक्ष इन्द्रमणि पाण्डेको प्रमुख आथित्यता र अखिल छैटौं जैमिनी नगर कमिटि अध्यक्ष कृष्णा थापाको अध्यक्षतामा बसेको बैठकमा विभिन्न विषयमा छलफल र निर्णय भएको छैटौंका नगर सचिव दिपेन्द्र पौडेलले बताए ।
जिल्ला अध्यक्ष इन्द्रमणि पाण्डेले हाल विद्यार्थी राजनीति सुस्ताए जस्तो देखिएपनि त्यो स्थायी नहुने र हरेक आन्दोलनमा विद्यार्थी आन्दोलन महत्वपूर्ण रहेकोले जैमिनीको नगरको विद्यार्थी संगठनले पनि महत्वपूर्ण भूमिका खेल्ने हुँदा संगठन मजबुत बनाउन लाग्नुपर्नेमा जोड दिए । त्यस्तै उनले बर्तमान सरकारले राम्रोसंग काम गर्न नसकेको आरोप समेत लगाए ।
बैठकले आगामी दिनहरुमा युवा विद्यार्थीलाई जागरुक गराउन बैठकको आयोजना गर्ने संगठन विस्तार गर्ने, त्यस्तै विभिन्न विद्यालयमा खेलकुद , बौद्धिक तथा रचनात्मक कार्यक्रम संचालन गर्ने निर्णय गरेको छ ।
