गल्कोट २०७५ माघ ८ । सातसय बगाले थापा समाज गलकोट नगरपालिका ७ मल्मले चौरासी पूजाको अवसरमा २ जना ज्येष्ठ नागरिकलाई अभिनन्दन गरेको छ । समाजले मल्म सानोखोला निवासी मन कुमारी थापा र भल्साङ निवासी बल्लभी थापालाई दिर्घायुको कामना गर्दै समाजका उपाध्यक्ष घनश्याम थापा र संरक्षक दुर्गा बहादुर थापाले दोसल्ला र अभिनन्दन पत्रले अभिनन्दन गरेका थिए ।
सो अवसरमा समाजका सल्लाहकार तथा पुर्व अध्यक्ष दल बहादुर थापाले शुभकामना मन्तव्य िदएका थिए भनें चौरासी पूजा सफल पार्नुहुने सबै र अभिनन्दनको निम्ति समाजलाई परिवारको तर्फबाट डाक्टर दीन बहादुर थापाले धन्यवाद ज्ञापन गरेका थिए । १ हजार ८ चन्द्र दर्शन पार गरिसकेपछि गरिने चौरासी पूजाको अवसरमा समाजले आफ्ना बगाले थापा बन्धुहरुलाई विगत देखि नै अभिनन्दन गर्दै आईरहेको बगाले थापा क्षेत्री समाजका केन्द्रिय प्रतिनिधी छुम बहादुर थापाले जानकारी दिए ।
सो अवसरमा सातसय बगाले थापा समाजका केन्द्रिय प्रतिनिधी, सल्लाहकार, कार्य समितिका पदाधिकारीहरु, पुर्व समितिका पदाधिकारीहरु लगायतको उपस्थिति रहेको थियो । अभिनन्दन कार्यक्रम बगाले थापा समाजका सचिव टोप बहादुर थापा र पुर्व सहसचिव थम्मन थापा सन्देशको सञ्चालनमा सम्पन्न भएको थियो ।
